L-introduzzjoni: Nibda billi nsaqsi xi mistoqsijiet lill-istudenti biex nara jekk jafux kif għandhom isawru ittra formali, informali u elettronika:
1. Qatt ktibtu ittra?
2. Liema waħda ktibtu? Informali, Formali jew elettronika?
3. Fejn jitqiegħdu l-indirizzi għall-ewwel tnejn?
4. Kif tindirizza l-persuna li se tikteb?
5. Kif tagħlaq dawn l-ittri?
6. L-ittra elettronika użajtuha jew għadkom tridu titgħallmu kif?
7. Jekk iva, lil min tibgħat l-iktar u għaliex?
8. Għaliex tuża l-ittre flok dawk formali jew informali?
9. Hija biss kwistjoni ta’ ħin jew għax iħossok iktar komdu?
L-1el pass: Nurihom preżentazzjoni qasira dwar il-passi li jrid jagħmel l-istudent biex jibni dawn it-tipi differenti ta’ ittri.
Inħalli ftit minuti għall-mistoqsijiet mill-istudenti.
It-2ni pass: Imbagħad nitlob studenti differenti biex jaqraw il-paragrafi qosra li qed jaraw fil-preżentazzjoni.
Waqt il-qari nniżżel xi punti fuq il-wajtbord.
It-3et pass: Insaqsi dawn iż-żewġ mistoqsijiet:
• Għaliex l-ittra?
Xi darba l-ittri kienu jinktibu bl-id. Il-karta u l-pinna kienu jimtlew bi kliem u sentenzi li jfissru l-ħsibijiet, l-emozzjonijiet u s-sitwazzjonijiet tal-kittieb.
• L-ittra għadna nużawha?
L-ittra għadha magħna anke jekk tbiddel il-mod kif tinkiteb u l-mod kif tintbagħat. Il-bniedem irid dejjem jikkomunika u jwassal messaġġi permezz tal-kitba.
Ir-4a pass: Inwassalhom għal tliet tipi ta’ ittri. Dawn huma:
• Informali – bejn il-ħbieb, familjari, kunfidenza bejn il-kittieb u l-qarrej
• Formali – lil xi ħadd li ma tafx, xi ħadd f’awtorità, korteżija.
• Elettronika – tintbagħat permezz tal-internet u tista’ tintuża kemm b’mod informali kif ukoll formali.
Il-5es pass: Wara nurihom il-format ta’ kif tinbena l-ittra informali: https://maltikurja.files.wordpress.com/2013/10/il-kitba-tal-ittra2.pdf
Is-6t pass: Wara nurihom il-format ta’ kif tinbena l-ittra formali: https://maltikurja.files.wordpress.com/2013/10/il-kitba-tal-ittra2.pdf
Is-7a pass: Wara nurihom il-format ta’ kif tinbena l-ittra elettronika: https://maltikurja.files.wordpress.com/2013/10/il-kitba-tal-ittra2.pdf
It-8n pass: Infakkarhom illi:
• Jużaw dejjem l-isem u l-indirizzi mogħtija fil-karta tal-eżami. Tużax tiegħek jew tivvinta oħrajn.
• Iżommu dejjem il-format blokk kemm fl-ittra formali kif ukoll informali.
• F’ittra formali, anki dik elettronika, indirizza lill-persuna skont it-titlu tagħha, eż. Għażiż Sindku, Għażiża Kap.
Il-Ħin għar-Riflessjoni: Inħalli spazju għall-mistoqsijiet biex inwieġeb xi diffikultajiet li jkollhom l-istudenti.
L-għeluq: Inqassam il-karta informattiva u nispjega x-xogħol li jridu jagħmlu għad-dar.