1. L-istudju huwa mportanti sabiex tkun ippreparat/a għall-eżami. Huwa importanti li naħdmu xi karti tal-eżamijiet sabiex inkunu nafu liema topiks għandna nerġgħu nirrevedu u biex ikollna idea ta’ kif se tkun il-karta tal-eżami.
2. Niżżel il-karta tal-eżami ‘geography_yr8.pdf’ (tista’ issibha taħt riżorsi) u ipprintja l-paġni kollha.
geography_yr8-47c19be881d2b1cbd5b6d20aad8cc9d2.pdf
3. Dawn huma l-kisbiet li trid tilħaq biex tkun tista’ taħdem il-karta tal-eżami.
4. Il-karta tal-eżami trid tinħadem f’siegħa.
5. Issettja tajmer għal siegħa u wieġeb il-mistoqsijiet kollha.
6. Waqt li qed taħdem il-karta aqra l-istruzzjonijiet sew.
7. Il-marki u l-ispazju mogħti biex twieġeb il-mistoqsijiet se jiggwidawk dwar it-tul tat-tweġiba tiegħek.
8. Waqt li qed taħdem il-karta tal-eżami tista’ tirreferi għan-noti tiegħek tal-ġeografija.
9. Fuq il-website ta’ teleskola tista’ ssib il-lezzjonijiet dwar it-topiks li ħarġu fil-karta tal-eżami (Year 8 Geography). Fil-lezzjonijiet se ssib il-materjal u l-ispjegazzjoni tat-temi li hemm fil-karta tal-eżami.
10. F’dawn il-YouTube channels tista’ ssib videos bil-Malti dwar il-mapep, il-ħin, it-terremoti, il-vulkani, id-deżerti u d-diżastri naturali.
https://www.youtube.com/channel/UCFod2MfRt9-g9EgVLDoWYbA
https://www.youtube.com/channel/UCPrQNNwtVJB9iLWRX7I0-qA
11. Wara tista’ tiċċekkja xogħolok billi tħares lejn ‘Tweġibiet – ġeografija_yr8’ ħalli tkun taf kif mort. (tista’ issibha taħt riżorsi)
Tweġibiet-–-ġeografija_yr8-bc22da20bba6bfe1455a2175c34a742c.pdf
12. Wara li tiċċekkja xogħolok qis li tagħmel nota tat-topiks li għandek tirrevedi.
13. Ipprova aħdem karti oħra tal-eżami annwali.
14. Il-karti tal-eżami tista’ ssibhom fuq:
https://curriculum.gov.mt/en/Pages/Home.aspx
a. Ikklikkja fuq ‘exams paper’.
b. Ikklikkja fuq ‘middle / secondary school’ u agħżel sena.
Dejjem ibda billi taħdem il-karti li huma riċenti.
c. Ikklikkja fuq ‘geography’.
d. Ikklikkja fuq ‘geography – year 8’.
e. Ikklikkja fuq ‘geography_yr8….’
Il-file li jispiċċa bl-ittri ‘_mv’ huwa l-karta tal-eżami bil-Malti.
Waqt li l-file li jispiċċa bl-ittri ‘_ms’ huwa l-iskema tal-marki. Fl-iskema tal-marki hemm it-tweġibiet u kif il-marki għandhom jitqassmu għal kull mistoqsija.
15. Waqt li qed taħdem il-karti tal-eżami tista’ tiltaqa’ ma’ xi diffikultajiet. Ħu nota tagħhom, irrevedi t-topik u jekk hemm bżonn saqsi lill-għalliem/a tiegħek biex igħinek/tgħinek issolvi l-problemi li għad għandek dwar il-ġeografija.